1. Perhaps the most overrated poet in the English language. Wait, this isn't English! The gem taint wort the wor.

A Poet's Welcome To His Love Begotten Daughter - Robert Burns

2.27 min. | 3.0 user rating | 12 views

Robert Burns - A Poet's Welcome To His Love Begotten Daughter - Read by John Gordon Sinclair A Poet's Welcome To His Love Begotten Daughter by Robert Burns (1759-1796) Thou's welcome, wean; mishanter fa' me, If thoughts o' thee, or yet thy mamie, Shall ever daunton me or awe me, My bonie lady, Or if I blush when thou shalt ca' me Tyta or daddie. Tho' now they ca' me fornicator, An' tease my name in kintry clatter, The mair they talk, I'm kent the better, E'en let them clash; An auld wife's tongue's a feckless matter To gie ane fash. Welcome! my bonie, sweet, wee dochter, Tho' ye come here a wee unsought for, And tho' your comin' I hae fought for, Baith kirk and queir; Yet, by my faith, ye're no unwrought for, That I shall swear! Wee image o' my bonie Betty, As fatherly I kiss and daut thee, As dear, and near my heart I set thee Wi' as gude will As a' the priests had seen me get thee That's out o' hell. Sweet fruit o' mony a merry dint, My funny toil is now a' tint, Sin' thou came to the warl' asklent, Which fools may scoff at; In my last plack thy part's be in't The better ha'f o't. Tho' I should be the waur bestead, Thou's be as braw and bienly clad, And thy young years as nicely bred Wi' education, As ony brat o' wedlock's bed, In a' thy station. Lord grant that thou may aye inherit Thy mither's person, grace, an' merit, An' thy poor, worthless daddy's spirit, Without his failins, 'Twill please me mair to see thee heir it, Than stockit mailens. For if thou be what I wad hae thee, And tak the counsel I shall gie thee, I'll never rue my trouble wi' thee, The cost nor shame o't, But be a loving father to thee, And brag the name o't!
Tags: Robert Burns Poet's Welcome To His Love Begotten Daughter Poem Song John Gordon Sinclair Scotland Scottish English British Poet Poetry Literature Poetictouch